دور العريف الاول

العريف الاول هو روح الفريق
و الفريق الصح اللى يكون العريف الاول هو القائد الفعلى بتاعه
و العريف الاول الصح هو اللى الناس كلها بتكون موافقة عليه حتى لو اختلفو معاه
و بيكون الفريق متفق عليه و بيحاول كمان يزكيه للقائد و يرشحه ليه

العريف الاول المتمكن بيفهم القائد بتاعه كويس
و بيعرف يقنعو برأيه بأسلوب ذكى و جميل
و بيحس بمشاكل زمايله فى الفرقة من غير ما يتكلمو
و لو اختلف معاهم فى موضوع و القائد طلب رأيه يرشح رأيهم - مش رأيه -

العريف الاول الصح يكون متفاهم مع زمايله العرفاء كويس
و ميصغرش حد فيهم ادام طليعته
و ميهينش حد ادام الناس كلها
و يعرف يحتويهم و يدخل جوا حياتهم كمان
لازم يكون صاحبهم و فى نفس الوقت يفصل ده عن قراراته كعريف اول

ده كله طبعا تفاصيل مش كلام نظرى